KOLASIB DC-IN DISTRICT JAIL-AH ‘SKILL DEVELOPMENT TRAINING FOR UNDERTRIAL PRISONERS’ A HAWNG
Vawiin chawhnu khan District Legal Services Authority, Kolasib buatsaih ‘Skill Development Training for Undertrial Prisoners’ chu District Jail-ah Pu John LT Sanga, Deputy Commissioner chuan a hawng a. Pi Cacy Malsawmtluangi Ralte, Chief Judicial Magistrate chuan hun kaihruaiin Pu David H.Thangliana, SP leh Line department hotute an tel a ni.
Deputy Commissioner Pu John LT Sanga chuan bultan tha leh thei tur a Jail a hun hmang mek ten an hun awl tha tak a an hman theih nan District Legal Services Authority ruahmanna in eizawnna tlak thiamthil zirna hun buatsaih a ni chu lawmawm a tih thu a sawi a. Zirna chu tawp chin awm lo a nih angin ‘Skill Development Training for Undertrial Prisoners’ kalpui chhung a an thil zir chhuahte chu an mahni tan a eizawnna tlak a hmang turin leh an chhungkua leh khawtlang tan a mi tangkai an nih theihna tur a nih thu sawiin thahnemngai tak a zir turin jail tangte chu a chah.
Pu David H.Thangliana, SP, Kolasib chuan insiamthatna leh khawtlang tan a mi tangkai nih theihna tur a thiamthil zirna hun tha DLSA-ten Jail tangte tan an buatsaih chu tangkai tak a hmang turin duhsakna a hlan bawk a ni.
Kar khat awh tur ‘Skill Development Training for Undertrial Prisoners’ kalpui chhung hian puan thui, pangpar khawi, lu meh, ei siam leh Carpentry-ah te zirtirna pek an ni ang. Kolasib District Jail-ah hian mi 136 awm mekin mipa 116 leh hmeichhia 20 an awm a ni.
