Dated Aizawl, the 15^th May 2026 : Nimin ni 14.5.2026 khan Pu Vanlalmawia, IAS, Secretary to the Govt. of Mizoram, Home Department etc. chuan District Jail, Saitual leh proposed Khawzawl District Jai - te a tlawh a, Prisons Department atangin Pu Zosangliana, AIG Prisons leh Staff ten an tawiawm. 

           Pu Vanlalmawia, IAS chuan SASCI hnuai District Jail, Saitual -a hnathawh mekte a endik a. Tun dinhmunah Jail hawn mai theih tura peihfel thawkhat niin a hria a. Hmabak tlemte awm chu Prison Department lamain a hmalam hma lo la turin a hriattir a ni. Saitual Jail ah hian mipa leh hmeichhe daidanna bang (Separation Wall) chu SASCI kaltlang hian sak a ni. Home Secretary hi Saitual DC, Pu Srinivas Sadi, IAS leh SP, PU Vivek Kumar Maurya, IPS ten an tawiawm a ni. 

          Saitual District Jail inspection zawhah hian Khawzawl District a Jail sakna tur hmun, Khawzawl Darngawn ramchhung Keikhum hmuna Prison Department - in a acquire fel tawh chu en ho a ni a. Tun dinhmunah Jail sak tumna la awm chiah lo mah se, PWD leh Revenue Department - ten Demarcation feltak a awm theihnan hma lo la turin a hriattir a ni. Khawzawl District Jail hmun enhonaah hian DC, Pu K. Vanlalthiana, SDPO, SO leh PWD Official ten an tawiawm a ni.

            Khawzawl District Jail hmuntur a en zawk hian SASCI hnuaia District Jail, Champhai sak mek a tlawh bawk a, Jail Superintendent, Pu Lalmuanpuia hovin an lo dawngsawng a ni. Champhai Jail sakthat mek pawh a tha thawkhat niin a hria a, hna tha taka thawk chhunzawm tur leh a hun taka zo turin a chah bawk a ni.