Dated Aizawl, the 18.02.2026 : Vawiin 18.02.2026 (Nilani) khan Pu Sayeed Ahmed Baba, Special Rapporteur, National Human Rights Commission chuan Central Jail, Aizawl, Central Women's Jail leh District Jail, Aizawl te a tlawh a, Pu Dr. Andrew H. Vanlaldika, MCS, Addl. Secretary, Home Department, Pu Zosangliana, AIG Prisons, Pu HS Zosangliana, Spl. Superintendent, Central Jail, Aizawl,  Pu Thuthlungropuia, Superintendent, DJ, Aizawl leh official thenkhatten an tawiawm a ni. 

            National Human Rights Commission hi mihring dikna chanvo humhalh kawnga hmalatu niin  Special Rapporteur rawn kal hian Jail tangte enkawlna kawngah Human Rights bawhchhiatna a awm em, Jail tang ten an chanvo an chang em? tih te endik tura rawn kal a ni. Jail pathumte ah hian damdawi lama in enkawlna chungchang te, ei leh in chungchang leh jail ward chhunga in enkawlna hrang hrang te a tlawh a, Jail tangte nena inkawmhona hun pawh hman a ni. Jail inenkawlna ah lawmthu a sawi a, Jail tangten Jail in enkawlna kawngah sawisel an nei leh neih loh te zawtin tha taka inkawmna hun neih a ni. Jail tangten an lo hmachhawn danah a lawm hle a. Human Rights lama dan bawhchhiatna a awm lo chu lawmawm a tih thu a sawi. A rawtna hrang hrangte tihhlawhtlin nise tiin thurawn a pe bawk. 

          Jail hotuten Jail tang thil siam hrang hrang an lo pe a ni.