Dated Aizawl, the Dt. 10.4.2026 : Pu Lalbiakfela, MCS, Dy. Inspector General of Prisons, Mizoram chuan SASCI kaltlanga hnathawhte endikin ni 8 - 9 April 2026 chhung khan District Jail, Serchhip, Lunglei leh Siaha Jail te a tlawh a, Pu Lalbiakfela hi Pu Lallawmzuala, UDC, Directorate of Prisons in a tawiawm a ni.

Dt. 8.4.2026

DISTRICT JAIL, SERCHHIP : DIG Prisons hi Pu C. Vanlaltlana, Jail Superintendent leh a Staff ten an lo dawng sawng a, SASCI hnuaia hnathawk mek Contractor - te leh PWD hotute nen enfiah a ni. SASCI hnuaia hnathawhte a tha thawkhat viau a, Jail Security bawhchhe lo thei tur ang bera hnate thawk turin Contractor leh PWD lamte ngen an ni. Tin, sak zawh a nih hunah pawh Jail Security nghawng thei thil a awm lohna turin uluk taka sa turin DIG Prisons hian a chah a ni. Serchhip Jail - ah hian hna hrang hrang chi 7 thawh a ni a, Sanctioned Amount chu Rs. 330,00,000 a ni. 


DISTRICT JAIL, LUNGLEI: District Jail, Lunglei Superintendent Pu Lalruatsanga leh a Staff - ten DIG hi lo dawngsawngin SASCI hnuaia hnathawh hrang hrang endik zui nghal a ni a. He hunah hian Contractor bakah PWD hotute pawh koh niin hnate tha taka thawktur leh hna la tan lohte a ranglama tan tura ngen an ni.  Hna thawh tawh chinah a tha thawkhat viau a, Jail lamin rawtna an neihte pawh bawhzui PWD leh Contractor -te lo bawhzui tura ruahman a ni. Lunglei Jail - ah hian hna chi hrang hrang chi 7 a awm a, Sanctioned Amount chu Rs. 662,27,700  a ni.

Dt. 9.4.2026

DISTRICT JAIL, SIAHA: DIG Prisons hi Pu HZ Lalrinfela, Jail Superintendent leh a Staff ten an lo dawng sawng a, SASCI hnuaia hnathawh hrang hrang chi 7 te endik niin PWD leh Contractor -te pawhin hna thawh dan hrang hrangte an sawifiah a. Ruahmanna awmsa tihdanglam emaw tihthat ngai emaw a awm chuan Jail hotuten ziaka thehlut tura hriattir an ni. Hna thawh tawh chinah a lungawithlak a, hna tha takin an thawk thei a, a lawmawm hle a ni. Siaha Jail sakna atana sum ruahman hi Rs. 1056,02,500 a ni.

  

          DIG Prisons, Pu Lalbiakfela ngenna angin Jail hotute, PWD leh Contractor -ten hnate tha taka thawh a nih a, rang taka thawh chhunzawm a nih zel theihnan hmala a, ruahmanna siam an tum a. Mistiri leh Labour lama harsatna awmte pawh a ranglama sutkian dan ngaihtuah turin DIG hian a ngen a ni.