NATIONAL HUMAN RIGHTS COMMISSION SPECIAL RAPPORTUER PU AKHIL KUMAR SHUKLA, IPS (RTD) CHUAN TUNKAR NI 29 ATANG KHAN CENTRAL JAIL, AIZAWL, CENTRAL WOMEN JAIL, AIZAWL, DISTRICT JAIL, AIZAWL LEH DISTRICT JAIL LUNGLEI TE A TLAWH

 

 

            Mihring dikna leh chanvo humhalhtu National Human Rights Commission Special Rapporteur Pu Akhil Kumar Shukla, IPS (rtd) chuan tunkar ni 29 a\ang khan Mizorama Jail dinhmun leh Jail tang dinhmun enfiahin a rawn kal a. Jail 4 – Central Jail, Aizawl, Women Jail, Aizawl, District Jail, Aizawl leh District Jail, Lunglei te a tlawh a ni.

          Jail tangte hian diktaka rorelsak leh an chanvo te humhalh sak an nih theihna turin National Human Rights Commission hian hma a la \hin a. Jail chhungah pawh Jail tangte an dikna leh chanvo palzut sak awm \hin lakah leh chutiang a awm lohna atan chuan hma an la \hin a ni. Pu Akhil Kumar Shukla, Special Rapporteur – in Jail a tlawhnaah hian kiltin a\anga Jail inenkawlna a endik a. Jail tangte nen inkawmhona an nei a ni. Jail tang enkawlna kawngah Mizoram sawrkar leh Jail enkawltuten an ti \ha hle niin a sawi a. Jail tangte a\ang pawhin Jail enkawlna kawngah sawiselna engmah a dawn loh avangin Jail enkawltute hnenah lawmthu a sawi a ni. 

          Pu Akhil Kumar Shukla, Spl. Rapporteur hi ni 28th April (Pathianni) khan Mizoram rawn thlengin ni 29th April ah Central Jail, Aizawl a tlawh a, Ni 30th April khan Central Women’s Jail leh District Jail, Aizawl te a tlawh bawk a ni. May 1 (nilaini) chawhma dar 10:30 ah Mizoram Chief Secretary leh Commissioner & Secretary, Home Department te nen Chief Secretary Office Chamber ah Mizoram Jail a tlawh chungchang leh National Human Rights Commission hmalakna te sawi hovin meeting an nei a, Chief Secretary, Pi Renu Sharma pawhin Mizoram Jail chanchinte lo sawiin Jail infrastructure thawm\hatna atana State sawrkarin SASCI hnuaiah proposal an thehluh thu a lo sawi bawk a ni. Hemi ni hian Lunglei lam panin a tuk ni May 2  khan District Jail, Lunglei dinhmunte enfiahin hun a hmang leh a ni. 

          Pu Akhil Kumar Shukla, Spl. Rapporteur chuan Jail  tang tan theih aia bituk aia tam jail tang awm hian inthiarna, tui, mutna, ei leh in leh thildanga harsatna tam tak a thlen chu pawi a tih thu a sawi a. Staff indaihlo tak hnuaia Jail tang tam tak mi tlemte in \ha taka an enkawl thei leh mihring dikna chanvo in rahbehsakte awmlova Jail an enkawl thei chu lawmthu a sawi bawk a ni. 

          Pu Akhil Kumar Shukla hi ni May 3 zirtawpni ah Aizawl panin a lo let a, May 5 (Pathianni) ah Noida lam panin a let leh ang.