Ni 11.4.2025 (Zirtawpni) dar 1:00pm - 5:00pm khan One Day Review Meeting on Prisons Administration, Directorate of Prisons Conference Hall - ah neih a ni a, Pu K. Sapdanga, Hon'ble Home Minister chu Khuallian (Chief Guest) a ni.

    One Day Review Meeting hi Pu Vanlalmawia, MCS, Secretary, Home Department - in a kaihruai a. Home Department atangin Officials hrang hrang -  Pu Dr. Andrew H. Vanlaldika, Addl. Secretary, Pu R. Lalremsanga, Jt. Secretary, Pu Lalnunmawia Chhangte, Under Secretary te an tel bakah Jail hrang hranga Jail Superintendent - te he hunah hian an tel bawk. 

    Home Minister Pu K.Sapdanga chuan Jail chu misual, awm tha duh lo hremna hmun a kan ngaih thin kha tun ah chuan insiamtha tura inkaihhruaina leh eizawnna tlak thiamthil inzirtirna hmun pawimawh tak a siam nih chhoh mek thu sawiin khawtlang ralmuang leh nuam siam tur hian Jail enkawltute inpekna ah thui tak a innghah thu a sawi a. Prisons Department-a thawktute hnathawh hrang hrangte chu langsar viau lo mahse an mi enkawlte nun ah danglamna nasa tak thlen theitu an ni tih hre reng turin thawktute a chah a. Jail chu nunkawng dik leh tha inzirtirna hmun pawimawh tak a nih angina jail tangte thunun tur chuan a enkawltuten mahni invawn leh inthununtheihna an neih hmasak a tul thu a sawi. 

      Pu Vanlalmawia, Secretary, Home Department chuan kalkhawmte lawmna thu sawiin Prisons Department-a thawktute chu dan bawhchhiate hremna tipuitling tur a Criminal Justice System-a thawktu pawimawh tak an nih thu hrechiang tur a chahin khawtlang siamthat nana mawhphurna pawimawh tak neitu an nih thu a sawi. 

     One Day Review Meeting - ah hian Pu R. Vanlalsawta, Inspector General of Prisons chuan Prisons Department hmalakna hrang hrang thlirletna leh hmachhawpte Power Point Presentation hmangin a tarlang a, Pu R.Lalremsanga, Joint Secretary (NP), Home Department chuan lawmthu sawina hun a hmang bawk a ni.