INDIA SAWRKAR IN DAN THAR 3 A SIAM, JULY 1, 2024 A HMANTAN TUR NEW CRIMINAL LAWS 3-TE CHU MIZORAM JAIL HRANG HRANGA JAIL SUPERINTENDENT TEN AN ZIRHO
India sawrkarin July 1, 2024 atanga hman tan tura a duan tak, “The Bharatiya Nyaya Sanhita 2023”, “The Bharatiya Nagarik Suraksha Sanhita 2023”, and “The Bharatiya Sakshya Adhiniyam, 2023” te chu Mizoram jail hrang hranga Jail Superintendent – ten ni 13 – 14, 2024 khan Directorate of Prisons, Conference Hall – ah zirhona hun an nei. He hunah hian Pu R. Vanlalsawta, IG Prisons chuan ,BNS, BSSS leh BSA te chu IPC, Cr. PC leh Indian Evidence Act thlakna tur a nih thu leh sawrkarin a ngaihpawimawh thu a sawi a. Tunah hian India ram puma State hrang hrang ten he dan hman a nih theihna tur atan hian hma an lak reng thu leh Mizoram sawrkar pawhin a ngaihpawimawh avangin vawi engemaw zat High Level Meeting pawh a ko tawh thu a sawi a ni. IG Prisons, Pu Sawta chuan, Jail tang te chu heng dan hrang hrang avanga tang te an ni hlawm a, chuvangin Jail hotute pawhin he dan hi chiang taka kan hriat a, thubuai kalpui dan chungchangah te, thubuai chhui chungchangah te leh dan hrang hrang kalpui danah Jail hotute chuan dan kengkawhtute tha taka kan lo thawhpui a tul zia a sawi a ni.
Ni 2 awh Training ah hian Pu Lalhmangaihhlua, SDPO (Aizawl S) leh Pi Lalsangpuii, Inspector, All Women Police Station, Aizawl -ten zirtirna hi an pe a ni. Ruahman ang chuan Ni 20 - 21 June 2024 chhung hian Jailor leh Asst. Jailor zawng zawng te tan Training buatsaih leh tum a ni.
