PRISONS DEPARTMENT : Nimin ni 4.12.2025 khan 15th Batch Jail Warder Basic Training Passing Out Parrade chu Central Training Institute, Sesawng ah tluang taka neih a ni. Passing Out Parade hi Pu R. Vanlalsawta, MCS, IG Prisons chuankhuallian niin a hmanpui. Jail Warder Training hi thla 2 chhung neih a ni. 

              Training chhuak-te hi Pu Lalrengpuia, Commandant, CTI in ramtana an thawhzelna tur atan thutiam a laktir. Khuallian Pu R. Vanlalsawta chuan Prisons Department hmalakna hrang hrang te a sawi a. Tun dinhmunah Jail hrang hrang sakthana tur atan sorkarin SASCI atanga Rs. 55crore a ruahman sak hmangin Central Jail, Aizawl leh Jail hrang hrang 7 te PWD ten a sakthat hna an thawh mek thu a sawi. Sawrkarin Training a ngaipawimawh a, kumthar lamah chuan Untrain Staff zawng zawng te chu training an neih leh tur thu a sawi bawk. 

             IG Prisons chuan Training chhuakte chu an hnathawh zelna tur kawngah an training chuan hmasawnna a pek a beisei thu a sawi a, Jail tang venhim kawngah mai nilo, Prisons Department tana theihtawp chhuah turin a fuih a ni. 

             Pu Lalbiakfela, MCS, DIG Prisons chuan lawmthu sawiin Passing Out Parade hi zawhfel a ni. 

            Training chhunga tithate, heng a hnuaia mite hi Award pek an ni :

              Best in Turn-out:  Warder Lalbiakzuala Renthlei

              Best in Discipline:  F/Warder  Vanlaltanliani

              Best in Firer : Warder  Lalremruata Ralte

              Best in Drill :  Warder   Lalmuanpuia

              Best All Rounder : Warder  Lalremruata Ralte