Ni 5.4.2024 (zirtawpni) khan Pu H. Lalengmawia, IAS Home Commissioner chuan Central Training Institute, Sesawng a 13th Batch Jail Warder Basic Training zo te chu Passing out Parade a hmanpui. Training chhuakte hi mi 35 niin, hmeichhia pakua (9) leh mipa sawmhnih paruk (26) te an ni. Training hian thla thum chhung awhin 6th February khan neih tan a ni.
Passing out parade a thusawitu Khuallian Pu H. Lalengmawia chuan Jail Warder training zo te chu India dan leh hrai vawng reng chungin leh Pathian an nun a dah pawimawh ber chung a hna thawk turin thu a chah a. Khual lian chuan ram hmasawna hna, sawrkar policy pawimawh hrang hrang te ti hlawhtling tu chu sawrkar hnathawk te an ni tih hrilh in, thahnem ngai leh rinawm taka thawk turin a chah. Mahni hna a rinawm leh hun vawn dik pawimahzia te sawi in, a hun taka kal leh a hun taka haw hi nunpui turin a chah bawk.
Vawiin hun hi Pu Lalrengpuia, Commandent CTI, Sesawng chuan a kaihruai a, Pu R Vanlalsawta, Inspector General of Prisons leh Pu Lalthiamsanga, Joint Secretary (Home Dept) te pawh he hunah hian an tel. Training chhung a titha zualte hnen ah lawmman sem a ni a- hmeichhia pahnih(2) leh mipa pathum(3) hnen ah Pu H Lalengmawia chuan lawmman a hlan.
1. District Commandent Running Trophy
Best Turnout- Warder R.Ramdinthari
2. Senior Staff Officer Running Trophy
Best in Drill- Warder Lalhmachhuana Khiangte
3. CTI Commandent Running Trophy
Best in Discipline- Warder Lallianchhunga
4. Deputy Commandent General Running Trophy
Best Shooter- Warder Lalsangliana
5. Commandent General cum Director Running Trophy
Best all-rounder- Warder Lalremruati
Attachment
